السلام عليكم ورحمة الله وبركاته

والله العظيم مازليت عليكم بكلمه واحده احلف امام الله سبحانه وتعالى ثم امامكم



انا على قد حالي

المهم راح اقول لكم القصه والله شاهد بها كلمه كلمه وحرف حرف



توظفت بشركه راتبي 2600 ريال ومازلت لديهم المهم جاني احد زملائي بدوام وقالي ليه ماتشري ارض في حي عريض وترى بتقسيط والمهم شجعاني



وكلي امل بالله المهم رحت لمكتب العمران الي بشارع الدئري الجنوبي بجانب قصر افراح المهم لوحته زرقاء المكتب ودخل عليهم توني مستلم الراتب وفرحان فيها بكل صراحه اقوله لكم

المهم انا متزوج ولي بنت وكل انسان يحلم ان يكون له بيت يئويه هو وزوجته وابنائه

المهم دخلت عليها الا ورجل ملتزم بكل معنى الكلمه رجل ملتحي وطاعه لله باينه في وجه

المهم ارتحت بكل صراحه يعني حلو انك تحصل شخص ملتزم تعرفون الدنيا مافيه امان بكل صراحه

المهم سئلت عن عرض وقالي كويسه ونقدملك على رقم في بنك التنميه طيب كم ادفعلكم قال دفعه اولى 1500 والله يعلم الله وطلع راتبي الي انا مستلمه من الشركه اول راتب وتقسمه انا والمكتب على انه بساعدني وشرحتله الظروف وقلت كل شهر كم الدفع قالي 700 ريال

ومبلغ الارض كامل 15000 ريال المهم ويظبطون الاوراق ومحكمه وصورة صك يعطونيه ورقمي في بنك التنميه المهم ارتحت بصراحه رجعت لبيتي وانا في قمة السعاده وزوجتي تباركلي والوالده امدها الله بصحه والعافيه والله ياجماعه راتبي اتقاسمه انا ومكتب العمران وصرت اقصدلهم مدة 6 او 7شهور تقريبأ بعدها العمل طلعوني انتداب لجده طبعأ لهم رقم موحد مكتب العمران المهم كلمته موظف عندهم قلت هشهرين مارح اعطيكم شي قالي من معاي قلت انا فلان قال ليش عسى ماشر قلت له انا عندي دوره في جده وبشرك بعدها بزيدون الراتب واجيكم قال ياولدي ماعندك مشكله الله يوفقك المهم رحت طبعا بعد مادفعت لهم 7 اقساط من هالارض الله لا يبارك فيهم ولا برضهم رجعت لرياض وكان معي مبلغ وكل همي شلون اخلص من اقساط الارض علشان ارتح منهم المهم رجعت وقلت اروح لمكتبهم علشان اشوف الامور ويوم جيتهم سلام وكيف الحال حتى الموظف اسمه صالح << سعودي ملتحي يعني يخاف الله

قلت جاي معي كم قسط بدفعهم لكم وعسى الله يسهل الامور قالي لحظه بشيك على الاوراق والله يوم قاله نغزني قلبي المهم بكل بساطه قال بعنها وسددنا حقنا وبقيلك 300 ريال تبيها رح للمكتب الرئيسي جنب المحكمه الكبرى قلت ياولد عسى ماشر وش صاير قال انت تاخرت بقساط وبعوها انا مالي دخل روح للفرع الرئيسي تفاهم معهم انا موظف ومالي شغل بشي

المهم رحت للفرع الرئيسي واحصل المطوع الكبير رجل كبير وملتزم واعلمه بالموضوع قالي والله بعنها قلت يابن الاحلال انا كلمت شخصموظف عندكم وعطيته خبر انه منتدب لجده وكان وقته عطاني اسمه وذكرت له الاسم الموظف الي عندهم قالي اهشخص الي كلمته كان موظف عندنا توفى بكل بساطه انا انصدمت وسكت بصراحه من قال توفى وانا اتذكر مكالمتي له لنه كان في قمة الاحترام المهم قلت متى مات قال من شهر ونص طبعأ كان وقته المطوع الكبير مشغول جدأ باوراق فيه مصري عنده محاسب جيته قلت له وش منه توفى فلان قال فلان لا توفى ولا شي بس فصله والشيخ لما يفصل احد يقوله توفى

ورجعله على طول بالمكتب حقه اقوله مو ذنبي انك تفصله وتبيع ارضي وانا مكلمه قال اقول مالك الا 300 تبيها قلت لا والله ماتدخل جيبي يالحرامي وانا اقوله حسبي الله ونعم الوكيل فيك وهو يقوله لي بعد شين وقوي عين المهم يعلم الله انه هذا ماحدث معي يعني اكل اقساطي وفي الاخير باع ارضي وسدد بها الباقي وقال مابقاء الاى 300 ريال بعدها بصراحه دعيت عليه دعا حتى والدتي صارت تدعي عليه سد نفسي بصراحه وتعقد منهم بس شكلي وراهم وراهم ومازلت جميع الاوراق موجوده لدي تسديداتي لهم وللملعوميه القسط كان 700 وانا كنت اعطيهم احين قسطهم واحيان اعطيهم 1000 من عندي بس علشان افتك واخرتها راح حلمي وتدهورت بسببه الله لا يوفقه بعده والله يجماعه حتى ظلي صرت اشك فيه

فمادري وش تنصحوني فيه ولكن انا حالف بيني وبين نفسي انه افضحهم بالمنتديات الي تخص الاراضي كلها لكي يعرفون مكتب العمران الي مايخافون الله الي قاهرني كلهم ناس ملتزمين يعني ماتشك فيهم بي شي لعكس كنت اتمنى ان الله يهديني زيهم والتزم زيهم بس بعدها حسبي الله عليه وونعم الوكيل

اتمنى من صاحب الموقع او المشرفين عدم حذف مووظوعي ومعاناتي يمكن الله يحنن قلبهم ويعوضني او ع الاقل يعطوني فلوسي

فرجوكم ساعدوني على ماصبت به ولا تحذفون موضوعي وانا مستعد من اي شخص يبي اي استفار او اي شي مستعد اوجه ماعندي مشكله واورقي موجوده كلها كامله والكامل وجه وكلي امل بالله سبحانه وتعالى