هلا عبدالعزيز

اولا اهلا وسهلا بك اخ لنا جميعا وضيف عزيز على المنتدى وعلى جميع اخوانك ونيابه عن نفسي وباسم اخي المهندس احمد وجميع الاعضاء والمشرفين ارحب فيك في بيتك الثاني((منتدى تمليك))

اما بالنسبه اخي لموضوعك فهو من اصله اساسا ليس بمشكله ابدا ولا تنظر له على انه مشكله الموضوع بسيط جدا يحتاج فقط شوويه تفكير وتدبر ونظره للامام انما هو ليس بمشكله ابدا وانت حالك مشاء الله افضل من غيرك بالف مره

بالنسبه لموضوع السكن انا ارى انو طالما انت موظف بمرتب حلو والوالد له مرتب تقاعدي وعنده بعض المصادر الشهريه وان قلت .. ولكن يضل دخل حلو ومناسب .. انا ضد فكره انو تروح لاي بنك ياخذون لك منزل ابدا لانو انت لم تحل المشكله من اصله اي نعم حليتها موقتا لكن قد يكون هذا الاجراء يسبب لك متاعب في لايام القادمه وراح تتعب من كثرة التقسيط وراح يبقى القسط معك وقت ليس ببسيط انا مجرب والله مافي احلى واجمل انو ينزل مرتبك كامل في حسابك .

لذا .. انا ارى انو تاخذ قطعه ارض في مخطط يكون دخل فيه الكهرباء ولا راح تغلب وهي متوفره وباسعار معقوله ومقبوله وتدبر لك كم قرش من هنا وهنا ((وان فرطت ببعض الاصول اي بعت مما تملك)) وتبني لك ولاهلك فله لو دور ارضي وفيما بعد مع الايام راح يكون بمقدورك بناء ماتشاء سواء دور ثاني او التوسع اكثر وبكذا تكون امتلكت ارض وبيت مع بعض وان تسلفت او ضغت على نفسك مافيها اي مشكله وقت بسيط وراح يتغير الحال فقط الصبر .. راح تصبر على الاجار سنه او ثنتين لكن صدقيني راح ترتاح اكثر ((والصبر عواقبه حميده)) افضل لك من ان تاخذ فله جاهزه وتجلس تقسط 25 سنه او اكثر او اقل .. طبعا كل اوضاعك ما اعرفها لكني والله ارى انو اذا تستطيع لو دور بسيط يكون افضل الف مره يعني الميه وخمسين اللي مع ابوك خذ فيها قطعه ارض مثلا في مخطط الرياض حرف ج .. فيه كهرباء وحاول تبني دور ارضي ماراح يكلفك 300 الف كله على بعضه حسب مساحة مسطح البناء وراح تسكن وتدعي لاخوك 502 .. قد يكون هناك حلول اكثر لكنها كلها تعتمد على ظروفك ووضعك المالي .. فقط لا تنظر للموضوع على انه مشكله ولا تضغط على قلبك زياده تتعب وتتكعبل وتسقط .. خذ الامور ببساطه وحبه حبه مع قليلا من الصبر تفرج
ولك حبي وتقديري